તમને યાદ હશે, જ્યારે છેલ્લો હપ્તો તમારા ખાતામાં આવ્યો હતો ત્યારે એક અલગ જ રાહતનો અનુભવ થયો હતો. ખેતીના ખર્ચા વચ્ચે આ મદદ ખરેખર ખૂબ જ ઉપયોગી સાબિત થાય છે. હવે ફરી એક સારા સમાચાર છે PM Kisan Yojana નો 21મો હપ્તો જલ્દી જ ખેડૂતોના બેંક એકાઉન્ટમાં જમા થવાનો છે. PM Kisan Release Date 2025
આ વખતે આ હપ્તો નવરાત્રિ અને દિવાળી વચ્ચે આવવાની શક્યતા છે. એટલે કે તહેવારોની સીઝનમાં લગભગ 10 કરોડ ખેડૂતોને ₹2000 સીધો લાભ મળશે.
21મો હપ્તો ક્યારે આવશે?
સરકારનો પ્રયાસ છે કે દિવાળી પહેલાં જ આ રકમ ખેડૂતોના ખાતામાં જમા થઈ જાય. આ યોજના હેઠળ ખેડૂતોને વર્ષમાં ત્રણ વાર હપ્તો મળે છે. દરેક વખતે ₹2000, એટલે કે આખા વર્ષમાં ₹6000નો સીધો ફાયદો.
હાલ સુધી ખેડૂતોને 20 હપ્તા મળી ચૂક્યા છે.આ વખતે 21મો હપ્તો મળવાથી તેમની આર્થિક સ્થિતિને થોડું સહારો મળશે.
યોજના શા માટે મહત્વની છે?
2019માં શરૂ થયેલી આ યોજનાથી અત્યાર સુધીમાં ખેડૂતોને લગભગ ₹3.69 લાખ કરોડ મળી ચૂક્યા છે. ઘણા ખેડૂતો કહે છે કે આ સહાયથી તેઓ બીજ, ખાતર અને અન્ય ખેતીનો ખર્ચો સમયસર કરી શકે છે. કેટલાક માટે તો આ રકમ ઘરનાં ખર્ચામાં પણ કામ લાગે છે.
ખાસ કરીને નાના અને મધ્યમ સ્તરના ખેડૂતો માટે આ યોજના એક જીવનરેખા બની ગઈ છે.
E-KYC અને આધાર લિંક જરૂરી
- જો તમારું E-KYC પૂરું નથી, તો તમારો હપ્તો અટકી શકે છે. એ માટે તમારે તરત જ E-KYC અપડેટ કરાવવું જોઈએ.
- સાથે જ તમારો આધાર કાર્ડ બેંક ખાતા સાથે લિંક હોવો ફરજિયાત છે. સરકારનું પેમેન્ટ માત્ર આધાર આધારિત સિસ્ટમથી જ થાય છે.
કેવી રીતે ચેક કરશો તમારું નામ અને હપ્તો સ્ટેટસ?
કેટલાંક ખેડૂત મિત્રો પૂછે છે ભાઈ, મારો હપ્તો આવ્યો કે નહીં એ કેમ જાણીશ?” એની સરળ રીત છે.
- સત્તાવાર PM Kisan Portal ખોલો: https://pmkisan.gov.in
- Beneficiary Status વિકલ્પ પસંદ કરો.
- આધાર નંબર, બેંક એકાઉન્ટ નંબર અથવા મોબાઈલ નંબર દાખલ કરો.
- સ્ક્રીન પર દેખાતો Captcha Code ભરો.
- “Get Data” પર ક્લિક કરો.
- બસ, હવે સ્ક્રીન પર તમારું નામ, ગામ, પેમેન્ટ સ્ટેટસ અને આધાર વેરિફિકેશનની માહિતી દેખાશે.
આ હપ્તાનું ખાસ મહત્વ
આ વખતે આવતો હપ્તો ખાસ છે કારણ કે નવરાત્રિ અને દિવાળી જેવા તહેવારોમાં ખેડૂતોને ખેતીનો અને ઘરનો ખર્ચો બંને કરવો પડે છે. ત્યારે આ ₹2000નું સીધું જમા થતું સહાય તેમને થોડી રાહત આપશે.