ઘણા લોકો આજે આ વિચારમાં હશે કે કાશ થોડા મહિના પહેલા સોનું ખરીદ્યું હોત તો કેટલી બચત થઈ હોત. પણ વાત એ છે કે હજી પણ મોડું થયું નથી. કારણ કે નિષ્ણાતો કહે છે કે સોનું અને ચાંદી બંનેની ચમક હવે વધુ વધવાની છે. Diwali gold rate 2025
દેશના જાણીતા બ્રોકરેજ હાઉસ મોતીલાલ ઓસવાલ મુજબ, આગામી દિવસોમાં સોનાનો ભાવ 1.35 લાખ રૂપિયા પ્રતિ 10 ગ્રામ સુધી જઈ શકે છે, જ્યારે ચાંદીનો ભાવ 2.30 લાખ રૂપિયા પ્રતિ કિલોગ્રામ સુધી પહોંચવાની શક્યતા છે.
હાલ સોનાનો ભાવ ક્યાં સુધી જઈ શકે?
Motilal Oswal ના વિશ્લેષણ મુજબ
| ધાતુ | આંતરરાષ્ટ્રીય ભાવ (COMEX) | ભારતીય બજારમાં ભાવ |
|---|---|---|
| સોનું | $4250–$4500 પ્રતિ ઔંસ | ₹1.28–₹1.35 લાખ પ્રતિ 10 ગ્રામ |
| ચાંદી | $75 પ્રતિ ઔંસ | ₹2.30 લાખ પ્રતિ કિલોગ્રામ |
સોના નો ભાવ આજે ક્યાં સુધી પહોંચી શકે?
મોતીલાલ ઓસવાલના વિશ્લેષણ મુજબ, આંતરરાષ્ટ્રીય માર્કેટમાં સોનાનો ભાવ COMEX પર $4250 થી $4500 પ્રતિ ઔંસ સુધી જઈ શકે છે.
ભારતીય બજારમાં તેની અસર સીધી જોવા મળશે – ₹1.28 લાખથી ₹1.35 લાખ પ્રતિ 10 ગ્રામ સુધી ભાવ વધી શકે છે.
ચાંદીની વાત કરીએ તો, COMEX પર તેનો ભાવ $75 પ્રતિ ઔંસ સુધી પહોંચી શકે છે, જેનો અર્થ છે કે ભારતમાં ₹2.30 લાખ પ્રતિ કિલોગ્રામ સુધીની ચમક જોવા મળી શકે છે.
આટલી તેજી કેમ આવી?
છેલ્લા કેટલાક મહિનાઓથી એશિયાઈ દેશોમાં સોનાની ભારે માંગ વધી છે. ચીન, તુર્કી, ભારત અને અરબી દેશો હાલ ગોલ્ડ માર્કેટના સૌથી મોટા ખરીદદારો બની ગયા છે.
મોતીલાલ ઓસવાલ મુજબ, અગાઉ સોનાની તેજી પશ્ચિમી દેશોની અસ્થિરતા કારણે આવતી હતી, પણ હવે એશિયા ગ્લોબલ બુલિયનનું કેન્દ્ર બની રહ્યું છે.
આ ઉપરાંત કેટલાક અન્ય કારણો પણ છે જે આ તેજીને વધારી રહ્યા છે –
ડોલર ઈન્ડેક્સ 100 ની નીચે આવ્યો છે, રૂપીયા મજબૂત થઈ રહ્યો છે, અને અમેરિકન ફેડરલ રિઝર્વ દ્વારા વ્યાજદર ઘટાડાની શક્યતા છે.
જાપાન અને ચીનમાં રાજકીય અસ્થિરતાએ પણ સોનાના ભાવને ટેકો આપ્યો છે.
ભારતનો મોટો ફેક્ટર
માત્ર ભારતે જ આ વર્ષે ત્રીજી ત્રિમાસિકમાં 300 ટન સોનું અને 3000 ટન ચાંદી આયાત કરી છે.
આંકડાઓ બતાવે છે કે લોકો હવે સોનાને ફક્ત શણગાર માટે નહીં પરંતુ સુરક્ષિત રોકાણ તરીકે જોઈ રહ્યા છે.
ઘણા રોકાણકારો માટે સોનું હવે એક “સ્ટેબલ એસેટ” બની ગયું છે — જે ઈન્ફ્લેશન, ડોલર ફેરફાર અને માર્કેટના જોખમ સામે રક્ષણ આપે છે.
ચાંદીની ચમકનો મોટો ખેલાડી – ગ્રીન એનર્જી
2025માં ચાંદીની કિંમતમાં 60 ટકા સુધીનો ઉછાળો આવ્યો છે, જે આ દાયકાની સૌથી મોટી તેજી છે.
આ તેજી પાછળનો મોટો ખેલાડી છે ગ્રીન એનર્જી ઈન્ડસ્ટ્રી.
સોલાર પેનલ, ઈલેક્ટ્રિક વાહનો અને સ્માર્ટ ટેકનોલોજીમાં ચાંદીનો ઉપયોગ ઝડપથી વધી રહ્યો છે.
વિશ્વના ઘણા દેશો રિન્યુએબલ એનર્જી તરફ વધી રહ્યા છે, જેનાથી ચાંદીની માંગ સતત વધી રહી છે.
દિવાળીનું સોનાની તેજીમાં યોગદાન
ભારતમાં દિવાળી ફેસ્ટિવલનો અર્થ જ સોનાની ખરીદી છે.
દર વર્ષે જેમ જ દિવાળી નજીક આવે છે, સોનાની માંગ ઉછળે છે.
આંકડાઓ કહે છે કે છેલ્લા દસ વર્ષમાં સાત વખત દિવાળી દરમિયાન સોનાના ભાવમાં તેજી જોવા મળી છે.
આ વર્ષે પણ એ જ ટ્રેન્ડ જોવા મળી રહ્યો છે — લોકલ માર્કેટમાં સોનાની ખરીદી જોરશોરથી થઈ રહી છે.
લોકો માનતા હોય છે કે દિવાળીએ સોનું ખરીદવું શુભ હોય છે, અને આ માન્યતા બજારને વધુ ગરમ બનાવે છે.
શું હવે ખરીદી કરવાનો યોગ્ય સમય છે?
જો તમે લાંબા ગાળાના રોકાણકાર છો, તો હા – સોનામાં ધીમે ધીમે ખરીદી શરૂ કરી શકાય છે.
બજારમાં તેજી છતાં, સોનું હંમેશાં એક સ્ટેબલ એસેટ રહે છે, જે સમય સાથે તેની કિંમત બતાવે છે.
પરંતુ, જો તમે ટૂંકા ગાળાના નફાની આશા રાખો છો, તો હાલનો સમય જોખમી પણ હોઈ શકે છે.
એટલે નિર્ણય લેતા પહેલા તમારા નાણાકીય સલાહકારની સલાહ લેવી યોગ્ય રહેશે.